ഒരു തുള്ളികൂടി..

ഒരു തുള്ളികൂടി...

നിലാവിനപ്പുറം ആരോ നട്ടു നനച്ച

മുന്തിരി വള്ളി ഇന്നേറെ വളർന്നിരിക്കുന്നു…

വേനൽ മൂർച്ചയേറിയ അഗ്രങ്ങൾ കൊണ്ട്

അതിൻറെ ഹൃദയത്തെ വല്ലാതെ മുറി പ്പെടുത്തിയിട്ടുണ്ട്…

ഇനിയൊരിക്കലും തളിർക്കാനാവാത്ത വിധം

 സ്വപ്നങ്ങൾ കരിഞ്ഞു പോയിട്ടുണ്ട്...

നക്ഷത്രങ്ങൾ  വരച്ചു തീരുന്നതിനു മുന്പ്,

നിലാവു പെയ്തൊഴിയും മുൻപ്,

ആകാശം ഒഴിഞ്ഞ തൂവാലയാകും മുൻപ്

ഈ ഭൂമിയിൽ നിന്ന് പറന്നു പോകണം..